ಕಾಯುತ ಕೂತ ಹೃದಯವಿದು

ಇನ್ನೇನು ಕೆಲಸವಿದೆ ನನಗೆ
ನಿನ್ನ ಪ್ರೀತಿಸುವುದ ಬಿಟ್ಟು
ತೋಚದೆ ಹೋದರು ಬರೆಯುವೆನು
ನಿನಗಾಗಿ ಪದಗಳ ಕೂಡಿಟ್ಟು

ಕಾಯಿಸಿ ನನ್ನೆದೆ ನೋಯಿಸದಿರು
ಕಾಯುತ ಕೂತ ಹೃದಯವಿದು
ನಿನ್ನಯ ನಗುವಿನ ಗೊಂಚಲ ಹಿಡಿದು
ಮುದ್ದಿಸುವೆ ಜಗವನೆ ಮರೆತು

ಪ್ರೇಮದ ಪತ್ರ ಕೊಟ್ಟೆನು ನಿನಗೆ
ಸಿಹಿ ಮುತ್ತನು ಕೊಟ್ಟು ಗೀಚಿದೆ ನನ್ನೆದೆಗೆ
ದಿಮ್ಮನೆ ಮೂಡುವ ನೆನಪಿನ ಸುತ್ತ
ಇರುವುದು ಒಂದೇ ನಿನ್ನಯ ಚಿತ್ರ

ಸಂಭ್ರಮದ ಮಳೆಯೇ ತುಂಬಿದೆ ಈಗ
ಭಾವಗಳ ಬಾಂಧವ್ಯದಲಿ
ಪ್ರೀತಿಯ ಧಾರೆಲಿ ಮುಳುಗಿದ ನಮಗೆ
ಅನುಕ್ಷಣವು ಸಮ್ಮಿಲನದ ಗಳಿಗೆ

- ಅ.ರಾ.ತೇ
#MH #16/08/17