ಅನುರಕ್ತೆ

ನಲ್ಲೆ ನಿನ್ನ ಸನಿಹ ನಿಂತು

ಮರೆವೆನು ನನ್ನೆ ನಾನು

ಹೃದಯ ಬಡಿತ ಏರುಪೇರು

ನೀ ನಗುವ ಕ್ಷಣವೆಲ್ಲವೂ..

ನೀನು ಅನುರಕ್ತೆ

ಮೋಹಿಸುವೆ ನನ್ನ, ಕಣ್ಣ ಸಂಚಲ್ಲಿ

ಅಡಗಲಿ ಇನ್ನೆಲ್ಲಿ?

ಕನಸಲು ಬಿಡದೆ ಮುದ್ದಿಸುವಾಗ

ನೀ ನಾಚುವ ಪರಿಗೆ

ಕಪೋಲಗಳು ಕೆಂಪಾಗಿವೆ

ಸಂಜೆಯ ಸೂರ್ಯ ಅಲ್ಲೆ ಮರೆಯಾದ!!

ದೂರದ ಊರಲಿ ಎಲ್ಲೋ ಮಳೆಯಂತೆ

ನನಗಿಲ್ಲಿ ಚುಂಬನದ ಧಾರೆ

ಮನದಿ ವಿದ್ಯುಲ್ಲತೆ

ನಿನ್ನ ಬಿಗಿಸಪ್ಪುಗೆಯಲಿ ಕೈಸೆರೆ

ಸಂಚಿತವಾಗಿದೆ ಪ್ರತಿ ನಿಮಿಷ

ಮನಗಳು ಬೆರೆತ ತರುವಾಯ

ಉಳಿದಿವೆ ಅಗಣಿತ ಕವಿತೆಗಳು

ಹೇಳದೆ ಹೋದರೆ ನಿರುಪಾಯ

ಹಾಡಿತು ಕೆಂದುಟಿ ನಡಗುತಲೆ

ಸಿಹಿಯೇ ಇನ್ನು ಈ ಸಮಯ..

- ಅ.ರಾ.ತೇ

#ಎಂಎಚ್  #21/08/2017