ನನ್ನದೊಂದು ಅಹವಾಲಿಹುದು ಗೆಳತಿ
ನೀ ನಗುವ ಮುನ್ನ ಕರೆಯೊಂದ ಕೊಡು
ಆ ನಿನ್ನ ನಗುವಲ್ಲಿ ಮುತ್ತು ಎಣಿಸುವೆ
ಎಲ್ಲಿಯೂ ಜಾಗ ಕಾಣದಾಗಿದೆ
ನನ್ನೆದೆಯ ನೀ ಆವರಿಸಿದ ತರುವಾಯ
ನಿನ್ನ ಕಣ್ಣ ಕಾಂತಿಯಲ್ಲಿ
ಕಂಗೊಳಿಸುವೆ ನಾನು
ಕುಡಿನೋಟವ ಬೀರೊಮ್ಮೆ ನನ್ನೆದೆಯ ತಾಕಿ
ಹರ್ಷದ ಹೊನಲು ನಿನ್ನ ಸನಿಹ
ನಿನಗಿಲ್ಲ ಇನ್ನು ದಿಗಿಲು
ನಾ ನಿನ್ನವನಾದ ತರುವಾಯ
ಮೋಡಗಳು ನಾಚಿ ನಗುತಿದೆ ನೋಡಲ್ಲಿ
ನಮ್ಮಿಬ್ಬರ ಕಂಡು
ಉತ್ಕರ್ಷವಾಗಿ ಮಳೆಯ ಸಿಂಚನ
ಅದು ನಮ್ಮ ಪ್ರೇಮದ ದರ್ಪಣ
- ಅ.ರಾ.ತೇ
No comments:
Post a Comment