ನಲ್ಮೆಯೊಂದೆ ಹೆಸರು

ನಿನ್ನ ತುಟಿ ಅಂಚಿನ ತಂತಿಯ
ಮೀಟುವ ನಾನು
ಪ್ರತಿ ಬಾರಿಯು ಹೊಸ ನಾದವ
ಹೊಮ್ಮಿಸುತ್ತಲೆ ಇರುವೆ

ಅದೆಂಥ ಸವಿ ಸೊಗಸು
ನಿನ್ನ ಕಿರುಬೆರಳು ತಾಕಿದಾಗ
ನನ್ನ ಎದೆಗೊರಗಿ ನೀ ನಾಚಿದಾಗ!!
ಕಣ್ಣುಗಳು ಬೆರೆತಾಗ
ಮೌನವೇ ನೇಪಥ್ಯ
ಆಗ ನಡೆಯುವ ಸಂಭಾಷಣೆಯೊಂದೆ
ಜೀವನದ ಸತ್ಯ..

ಕದ್ದು ನೋಡಬೇಡ  ಹಿಂದೆ ತಿರುಗಿ
ಬಿದ್ದೆ ಬೀಳುವೆ ಮರುಳಾಗಿ
ಉಪೇತವಾಗಿದೆ ತಳಮಳವು
ನೀ ಸನಿಹವಿರದ ಪ್ರತಿ ಕ್ಷಣವು..

ತೋಳಬಂಧಿಯಾಗಿಬಿಡು ಈ ನಿಮಿಷ
ವಿರಹವ ನೀಗಿಸು ಇಲ್ಲಿಯೇ
ಉಸಿರಾಟದ ವೇಗ ಹೆಚ್ಚಾಗುವ ಗಳಿಗೆಗೆ
ಹೃದಯಬಡಿತ ಸ್ಪರ್ಧೆಯ ನೀಡುತಿದೆ
ಈ ಅನವರತ  ಅನುಭಾವಕ್ಕೆ
ನಲ್ಮೆಯೊಂದೆ  ಹೆಸರು..

- ಅ.ರಾ.ತೇ
#ಎಂಎಚ್