ಪ್ರತಿ ಹೆಜ್ಜೆಯ ಸಂಭ್ರಮ

ಚೆಲ್ಲ ಪಿಲ್ಲಿಯ ಬದುಕು 
ಹುಟ್ಟು ಒಂದೆಡೆ 
ಸಾವು ಮತ್ತೊಂದೆಡೆ 
ಜೀವಿಸುವ ಪ್ರತಿ ಕ್ಷಣವು
ಅನಿಶ್ಚಿತ, ಅನಿರೀಕ್ಷಿತ...

ದೂರದ ಎರಡು ಮನಸು 
ಪ್ರೇಮಾಂಕುರದಿ ಬಂಧಿಯಾಗುವುದು
ಮತ್ತೊಂದು ಸೊಗಸು 
ಕನಸುಗಳು ಭಿನ್ನ 
ಆಸೆಗಳು ವಿಭಿನ್ನ 
ಆದರೂ ಕೂಡುವುದು  ಒಂದಾಗಿ
ಕುಟುಂಬವೆಂಬ ಆಸರೆಯ ಹೆಸರಾಗಿ.. 

ಎಲ್ಲರದು ಒಂಟಿ ಪಯಣ 
ಆದರೂ ಜೊತೆಯಲ್ಲೇ 
ನಾನು ನನ್ನದು, ತಾನು ತನ್ನದು.
ಎಲ್ಲವೂ ಮಿಶ್ರಣ 
ಬೆಸದ ಮನಗಳ ಪ್ರತಿ ಹೆಜ್ಜೆಯ ಸಂಭ್ರಮ..

- ಅ.ರಾ.ತೇಜಸ್
(ಪುರವಣಿಯ ಚಿತ್ರ ಕಾವ್ಯಕ್ಕೆ ಬರೆದದ್ದು)