ನಿನಗೆ ನಾನೇ ಒಂದು ಪದ್ಯವಾದೆ

ಕಂಡೆನೊಂದು ಸಿಂಚನ

ಹೊಸ ರೀತಿಯಾಗಿ

ನನ್ನ ಕರದಿ ಬಂಧಿಯಾದ

ನಿನ್ನ ಮೊಗದ

ಅರಳಿದ ತುಟಿಗಳಲ್ಲಿ.. 

ರಮಿಸುವೆ ಅನುಕ್ಷಣ 

ನಿನ್ನ ನಗುವೆಲ್ಲವ ಆರಿಸಿ

ಹೃದಯದ ಬುತ್ತಿ ತುಂಬಿಕೊಳ್ಳುವಾಗ

ನಿನ್ನ ಚೆಲುವ ಕಾಣುವಾಗ

ಆಗಸದೆತ್ತರಕೆ ಚಿಮ್ಮುವೆ ನಾ 

ಕಾಮನಬಿಲ್ಲ ರಂಗಲಿ 

ಹೊಸೆದ ಸಾಲಿ 

ಉಟ್ಟ ನೀನು

ಮೋಹಿತನಾದ ನಾನು..!!

ಬಣ್ಣಿಸಲಿ ಇನ್ನು ಹೇಗೆ 

ಮೂಕವಿಸ್ಮಿತನಾಗಿಸಿ ನನ್ನ 

ನಾಚುತ್ತಾ ನೀ ಕೂತಾಗ 

ಪ್ರತಿ ಪುಸ್ತಕದ ಹಾಳೆಯ ನಡುವೆ

ನಿನ್ನ ಮೇಲೆಯೆ ಕವಿತೆಗಳು 

ಶಾಹಿ ಖಾಲಿ ಆಯಿತೆ ಹೊರತು

ನನ್ನ ಪ್ರೇಮವಲ್ಲ!! 

ನಿನಗೆ ನಾನೇ ಒಂದು ಪದ್ಯವಾದೆ - 

ಚೆಲುವ ಕನ್ನಿಕೆ.. 

- ಅ. ರಾ. ತೇಜಸ್