ನಿನ್ನ ಮುಂಗುರುಳು ಸರಿದು

ನಿನ್ನ ಮುಂಗುರುಳು ಸರಿದು
ನಿನ್ನ ಕಣ್ಣ ಮುತ್ತುವಾಗ
ನನ್ನ ಅಸೂಯೆ ದುಪ್ಪಟ್ಟು ಆಗುತ್ತದೆ
ಆ ತುಟಿಗಳ ನಡುವೆ
ಕಳ್ಳನಂತೆ ಸುಳಿವ ಆ ಕಿರುನಗೆ
ಬರೀ ನನ್ನವೇ ಆಗಿರುವಾಸೆ..

ನಿನ್ನ ಎದೆಬಡಿತಕೆ
ಸರಿಸಾಟಿಯಾದ ಸಂಗೀತ ಉಂಟೇ
ಶೃತಿ ಹಿಡಿದು ಬಡಿವ ಅದು
ನನ್ನ ಹೊತ್ತುಕೊಂಡೆ ಕುಣಿವುದು!!

ನಾ ಕಳುಹಿಸುತ್ತಿರುವ ಅಂಚೆ
ನಿನಗೆ ತಲುಪುತ್ತಿದ್ದೆಯೇ ಸರಿಯಾಗಿ?
ನಿನ್ನ ನೆನೆವ ಪ್ರತಿ ಸಲ ಬರೆಯುವೆ
ಹೊರಲಾಗದೆ ಕುಸಿದಿರಬೇಕು
ಪಾಪ ಆ ಅಂಚೆ ತಲುಪಿಸುವವ..

ಆತ್ಮವಿಶ್ವಾಸಕೆ ಅರ್ಥ ನಿನ್ನ ಮಾತು
ಅನುರಾಗದ ಕನ್ನಡಿ ನಿನ್ನ ಕಣ್ಣು
ಅಮರತ್ವಕೆ ಶೀರ್ಷಿಕೆ ನಮ್ಮ ಪ್ರೀತಿ
ದಿಗಂತದ ಸೂಚಿ ನಿನ್ನ ನೆನಪು..

- ಅ. ರಾ. ತೇಜಸ್