ಅರಳದ ಕಮಲ - ಸತ್ತ ಭ್ರಮರ

ಅಲ್ಲಿ ಕಣ್ಣಿತ್ತು, ಕಿವಿಯಿತ್ತು, ಮೂಗಿತ್ತು
ತುಟಿಯ ಅಂಚಲ್ಲಿ ನಗುವಿರಲಿಲ್ಲ
ಬೆತ್ತಲಾಗಿತ್ತು ದೇಹ
ತನ್ನದೆ ಆತ್ಮಸಾಕ್ಷಿಯ ವಂಚಿಸಿಕೊಂಡು

ಮನದಲ್ಲೇನೋ ಜೋರು ಮೂಕ ರಾಗ
ಹೊಮ್ಮುತಿದೆ
ಗಂಟಲಲ್ಲಿ ಶಕ್ತವಿರಬೇಕಲ್ಲ ಹಾಡಲು!!
ದೇಹ ಕಂಪಿಸುತ್ತದ್ದೆ
ಅವಳ ದನಿ ಕೇಳಿದಂತೆಲ್ಲ
ಎಲ್ಲಿ ಅವಳು?

ಇನ್ನಿಲ್ಲದ ಅವಳನ್ನು
ಹುಡುಕುವುದಾದರೂ ಎಲ್ಲಿ??
ನನ್ನಲ್ಲೆ, ಇನ್ನೆಂದೂ ಅರಳದ
ಮನದ ಕಮಲದಲ್ಲಿ
ಬಂಧಿಯಾದವಳು!
ಅದರ ಸುತ್ತ ತಿರುಗುವ
ಸತ್ತ ಭ್ರಮರ ನಾನು