ನಾ ನಿತ್ರಾಣನೆ ಇನ್ನು! ಆ ಪ್ರೀತಿ ಭರಿಸಲು..

ಭಾವನೆಗಳು ಕೆಲವೊಮ್ಮೆ ಕದಲಾಡುತ್ತದೆ
ಬಿಗು ಮನದ ತೊಳಲಾಟಕ್ಕೆ
ಅದು ಅಲ್ಪ! ವಿರಹದ ವೇದನೆ..
ಅವಳ ಮುತ್ತಿನ ಮೊಹರು ಅಚ್ಚಾಗಿದೆ
ಈ ಪುಟ್ಟ ಎದೆಯಲಿ
ನಾ ನಿತ್ರಾಣನೆ ಇನ್ನು! ಆ ಪ್ರೀತಿ ಭರಿಸಲು..



ಮೊನ್ನೆ ನಡು ರಾತ್ರಿಯಲ್ಲಿ
ಎಚ್ಚರಿಸಿದ ನಿನ್ನ ಪರಿ
ಕನಸೆಂದು ನಂಬಲಾರೆ
ನಿನ್ನ ಮರೆಯಲು ಆಗದ ಪ್ರತಿ ಕ್ಷಣದ
ಉದಾಹರಣೆಯದು..
ನೀನಿನ್ನು ಅಪರಾಧಿಯೆ
ನನ್ನಲ್ಲಿ ಶಾಶ್ವತ ಬಂಧನಕ್ಕೊಳಗಾದ ಮೇಲೆ..



ಇನ್ನು ಪ್ರಮತ್ತನಾಗಿದ್ದೇನೆ
ಆ ಪರಿಯ ಪ್ರೇಮಕ್ಕೆ!!
ಹಾಗೆ ನಸು ನಾಚಬೇಡ, ನೋಡಿಲ್ಲಿ
ಯಾವುದೂ ಭ್ರಮೆಯಲ್ಲ
ಬೆಸೆದ ಅನುರಾಗದ ಮತ್ತಿನ ಭಾವವಷ್ಟೆ..
ಕಠಿಣ ಪೈಪೋಟಿ ಇನ್ನು
ಯಾರು ಯಾರನ್ನು ಗೆಲ್ಲುತ್ತಾರೆಂದು
ನಿನ್ನೆದುರು ಸೋಲೆ ಚೆಂದ..
-ಅ.ರಾ.ತೇ