ಪ್ರೀತಿಯ ತುಳುಕು..

ಅವಳು ಸೆಳೆವು
ಬಾರಿ ರಭಸವಿದೆ! ಅಬ್ಬಾ!
ಮತ್ತೆ ಮತ್ತೆ ನನ್ನನ್ನು ಸೆಳೆದುಕೊಳ್ಳುತ್ತಾಳೆ
ತನ್ನೊಳಗೆ
ಎಷ್ಟೆ ಪ್ರಯತ್ನಿಸಿದರೂ ಬಿಡಿಸಿಕೊಳ್ಳಲಾರೆ
ನಾನು ಆವೃತ..

ನಾನೀಗ ಬಂಡೆ
ಅವಳು ಅಲೆ
ಎಷ್ಟೊಂದು ಮುತ್ತು
ಪದೇ ಪದೇ! ಬಿಡಲಾರದೆ
ಕರಗಲು ಎಷ್ಟೆಲ್ಲಾ ಸಮರ
ಇಬ್ಬರು ಬಹಳ ಮೊಂಡೆ..

ನಿಲ್ಲದ ಜತನ
ಬಿಡಿಸಿಕೊಳ್ಳಲು! ಸುಲಭವಲ್ಲ
ನಾನು ಬಲೆ ಅಲ್ಲವೇ
ಅವಳು ಮೀನು
ಒದ್ದಾಟ ಕೇವಲ ಅಭಿನಯ
ಪ್ರೀತಿಯ ತುಳುಕು..

ಅದೇ ಸ್ಪಂದನ
ಅದೇ ಚುಂಬನ
ನವಿರೇಳುವ ಆಲಿಂಗನ

ಅದೇ ಹಾಸ್ಯ
ಅದೇ ಲಾಸ್ಯ
ಬೆರೆತ ಸಿಹಿ ಆಲಸ್ಯ

ಒಂದಷ್ಟು ಹೂ ಚಲ್ಲಿದೆ ಅಲ್ಲಿ
ಎಣಿಸಿದಷ್ಟು ಅದರ ಘಮಲು ಹೆಚ್ಚುತಿದೆ
ನನ್ನ ಅಧರದ ಬಂಧಿ ಇನ್ನು..