ಮಾತಿಗೆ ಮುನ್ನ ಮೂದಲಿಕೆ ಏಕೆ?
ಮುಖದಲಿ ಕೊಂಚ ನಗುವ ಬೀರು
ಎಲ್ಲರ ಮೇಲೂ ಪ್ರೀತಿಯ ತೋರು
ಮೌನವ ಮುರಿಯುತ ಮಾತಿನ ಚೂರಿ,
ಏತಕೆ ಹಾಕುವೆ ಕೋಪವ ತೋರಿ?
ಬಿಗುವಿನ ಮನವು ಏತಕೆ ನಿನಗೆ?
ದಿನವು ಮಾಡುವೆ ಮರೆಯದೆ ಜಳಕ
ತೊಳೆಯೊ ಮೊದಲು ಮನದ ಕೊಳಕ
ಮನದಲಿ ಇರುವ ಕೋಪವ ತೋರುತ
ನೋವಿಸುವೆ ಏಕೆ ದ್ವೇಷವ ಕಾರುತ?
ಪ್ರೀತಿ, ಮಮತೆ ಇಲ್ಲವೇ ನಿನ್ನಲಿ?
ಏತಕೆ ನಿನಗೆ ಹೀಯಾಳಿಸುವ ಅಭ್ಯಾಸ?
ಪ್ರೀತಿಯ ತೋರಲು ಕೊಡಬೇಕೆ ಕಾಸು?
ಹಗೆಯನು ನೀ ಬಿಡು, ಸ್ನೇಹವ ಮಾಡು
ಪ್ರೀತಿ-ಸಂತಸದಿ ಕುಣಿಯುತ ಹಾಡು.
No comments:
Post a Comment