ಸುಡು ಬಿಸಿಲು
ಧಗ ಧಗ ಉರಿಯುವ ಧರೆ
ತಾಪದೆಲರು
ಉದುರಿರುವ ಎಲೆ ರಾಶಿ
ಮುಳುಗದೆ ಊರನ್ನೇ ಸುಡುವನೋ
ಎಂಬಂತ ಬೇಸಿಗೆಯ ದಿನ
ಸಂಜೆಯ ಚಂದಿರನ ಸ್ವಾಗತಕ್ಕೆ
ಕೆಂಪೆರೆದು ಮುಳಗಲೇ ಬೇಕು
ಕಾದ ರಸ್ತೆಗಳ ಮೇಲೆ
ಸಂಜೆಯ ಆಫೀಸ್ ಮುಗಿಸಿ
ಹೊರಟ ಆತನಿಗೂ
ಗೂಡ ಸೇರಲು ಹೊರಟ
ಆ ಹಕ್ಕಿಗೂ ಏನೋ ನಂಟು
ಬೀದಿ ದೀಪಗಳು ಹತ್ತುವ ಹೊತ್ತಿಗೆ
ಹಕ್ಕಿಗೆ ಸಾಕಾದ ಬೆಳಕು
ಸೈಕಲ್ ತುಳಿಯಲು ಬೆಳಕೆ ಬೇಕೆನ್ನುವ ಆತ
ಗೂಡ ಸೇರಿ ಮಲಗಿದ ಮೇಲೆ
ಕತ್ತಲೆಯೇ, ನಾಳೆಯ ಭರವಸೆಯ ಬೆಳಕಷ್ಟೇ..
-ಅ. ರಾ. ತೇ
