ಹನಿಗಳು - ೨

           ೧

ನಿನಗೆಂದು ಹೊಸೆದಿದ್ದ

ಕನಸುಗಳೆಲ್ಲಾ

ಕಳಚಿಕೊಳ್ಳುತ್ತಿದೆ ಒಂದೊಂದೆ

ನಿನ್ನೆದೆಯ ಆವರಿಸಲು..

            ೨

ಕಾದು ಕಾದು ಕಂಗೆಟ್ಟ ನಲ್ಲೆಯ

ಕಣ್ಣಲ್ಲಿ ಆತಂಕವಿರಲಿಲ್ಲ

ತಡವಾದ ಪ್ರಿಯಕರನಿಗೆ

ತೊಂದರೆಯಾಗಿರಬಾರದೆಂಬ ಕಾಳಜಿಯಿತ್ತು

            ೩

ರಸ್ತೆಯ ಉದ್ದಗಲ ಹರಡಿರುವ

ಎಲೆಗಳ ನಡುವೆ

ಹೇಗೆ ಹುಡುಕಲಿ ಕನಸುಗಳ

ಬಿರುಕುಗಳೆ ಮೂಡಿರುವಲ್ಲಿ!

             ೪

ಸುಂದರ ಸಾಲುಗಳ ಬರೆದೆ

ಅವಳ ಸೌಂದರ್ಯವ ವರ್ಣಿಸಲು

ಬಣ್ಣದ ಮುಖವಾಡವ ತೊಟ್ಟ

ಕುರೂಪತನವ ತಿಳಿಯದೆ

             ೫

ಜಗದಗಲ ಹರಡಿರುವ

ಅರ್ಥಗರ್ಭಿತ ವಿಷಯಗಳ ನಡುವೆ

ನನ್ನವಳು ಅರಿಯಲಾಗದ ಪ್ರಶ್ನೆ

ಉತ್ತರ ಹುಡುಕುವುದೆ ನನ್ನೀ ಜೀವನ